15-iyuldan boshlab Oʻzbekiston mamlakat korxonalarida ishlab chiqarilgan avtobenzin va dizel yoqilgʻisini eksport qilishni vaqtincha chekladi. Bu Vazirlar Mahkamasi ygʻilishining 16-iyulda tasdiqlangan protokolida nazarda tutilgan.

Xabar qilinishicha, oxirgi oyda 16 ming tonna atrofida benzin eksport qilingan, “bu mamlakatning yoqilgʻiga boʻlgan 5−6 kunlik ehtiyoji degani”.

Eksport cheklovidan soʻng, birja savdosiga qoʻyiladigan benzin hajmi oshirildi, bu “narxlarning pasayishiga olib kelishi kerak”, deya taʼkidladi manba.

Shu bilan birga, hukumat yoqilgʻini import qilishga cheklov oʻrnatmadi.