Oliy Majlis Qonunchilik palatasidagi “Hukumat soatida” Adliya vaziri Ruslanbek Davletov Moliya vazirligi bilan birgalikda yoshga doir pensiyani murojaatsiz tayinlash tizimi yaratilayotganini maʼlum qildi.

Yaʼni fuqaro uzoq yil mehnat qilib, pensiya yoshiga yetganda davlat avtomatik unga pensiya tayinlashi kerak. Fuqaroning oʻzi ariza berib, bir dunyo hujjat toʻplab, haqligini isbotlayman, deb sarson boʻlib yurmasligi kerak.

“Har qanday noaniqliklar pensiya oluvchining foydasiga talqin qilinishi kerak”, dedi vazir.

Ushbu tizim taxminan bir yil ichida ishga tushadi.

Shuningdek, Ruslanbek Davletov oʻz nutqida nikohni qayd etish vakolatini nafaqat FHDYO, balki notariuslarga ham berish rejalashtirilayotganini maʼlum qildi.