Bugun, 20-iyul kuni Qoraqalpogʻiston Respublikasi Joʻqorgʻi Kengesining XXXI sessiyasi boʻlib oʻtdi.

Sessiyada Qoraqalpogʻiston Respublikasi hududida 2-iyuldan joriy etilgan favqulodda holatni yumshatish yuzasidan Oʻzbekiston Respublikasi Prezidentiga murojaatini tasdiqlash masalasi koʻrib chiqildi.

Sessiyada deputatlar, mahalla faollari, tuman hokimlari soʻzga chiqib, boʻlib oʻtgan koʻngilsiz voqealar va Qoraqalpogʻiston xalqining bugungi kayfiyati xususida fikr bildirdi.

Bugun Qoraqalpogʻiston Respublikasida hayot oʻz maromida davom etmoqda.