Joriy yilning iyul oyida Oʻzbekistonda muomalada boʻlgan naqd pullar miqdori 40 trln 512 mlrd soʻmni tashkil qilmoqda. Bu haqda Markaziy bank tomonidan eʼlon qilingan 2022-yil 1-yarim yillik yakunlari boʻyicha pul agregatlari statistikasida keltirilgan.

Unga koʻra, milliy valyutadagi pul massasi miqdori oʻtgan oyga nisbatan qariyb 5,4 trln soʻmga koʻpaygan va 113,6 trln soʻmga yetgan.

May oyidan farqli ravishda, iyun oyida chet el valyutasidagi depozitlar (milliy valyuta ekvivalentida) miqdori 5 trln 425 mlrd soʻmga kamaygan.

Milliy valyutadagi pul massasining barcha turlari miqdori oshgan, xususan, muomaladagi naqd pullar ham 3 trln 645 mlrd soʻmga koʻpaygan hamda ularning miqdori 40 trln 512 mlrd soʻmni tashkil qilgan.