Oʻzbekiston Respublikasi Iqtisodiy taraqqiyot va kambagʻallikni qisqartirish vaziri oʻrinbosari Bobur Qalandarovich Abdinazarov lavozimidan ozod etildi. U mazkur lavozimiga 2020-yilda tayinlangandi. 

Bobur Abdinazarov 1983-yilda Qashqadaryo viloyatining Qamashi tumanida tugʻilgan, maʼlumoti oliy. 2003-yilda Toshkent Davlat iqtisodiyot universitetini tamomlagan. Shuningdek, Yaponiya Xalqaro universitetida tahsil olgan. 

U 2007-yildan Oʻzbekiston Respublikasi Moliya vazirligi tizimida turli lavozimlarni egallab kelgan. 2007-2010-yillarda Oʻzbekiston Respublikasi Moliya vazirligi Buxgalteriya hisobi va audit uslubiyoti boshqarmasi Xoʻjalik hisobidagi korxonalarda buxgalteriya hisobi va hisoboti uslubiyoti boʻlimi bosh iqtisodchisi, 2010- 2014-yillarda Respublikasi Moliya vazirligi Buxgalteriya hisobi va audit uslubiyoti boshqarmasi Xoʻjalik yurituvchi subyektlar buxgalteriya hisobi uslubiyoti boʻlimi bosh iqtisodchisi va boʻlim boshligʻi oʻrinbosari lavozimida ishlagan. 2017-2018-yillarda Oʻzbekiston Respublikasi Moliya vazirligi Agrosanoat majmui moliyasi boshqarmasining Agrosanoat majmuasi tarmoqlarini iqtisodiy tahlil qilish hamda qishloq va suv xoʻjaligi moliyasi boʻlimiga rahbarlik qilgan. 

2018-2019-yillarda Oʻzbekiston Respublikasi Moliya vazirligi Sanoatning bazaviy tarmoqlari, yoqilgʻi-energetika majmui va geologiyani rivojlantirish moliyasi va tarifni tartibga solish bosh boshqarma boshligʻining birinchi oʻrinbosari va boshqarma boshligʻi lavozimida faoliyat yuritgan.