Chilonzor tumanida jadidlar xotirasi, “UzAuto Motors”dagi uzundan-uzun navbatlar, benzin oshishiga bagʻishlangan koʻcha suratlarini chizib shuhrat qozongan “inkuzart” bugun yangi asarini taqdim etdi.

Suratda Rossiya-Ukraina mojarosiga ishora qilingan. Qirrali boʻrtma devorga chizilgan rasmning bir tomonidan qaralsa – Rossiya Federatsiyasi Prezidenti Vladimir Putin, ikkinchi tomondan qaralsa – Ukraina Prezidenti Vladimir Zelenskiy koʻrinadi.

Rassom video tagiga “Kim haq, kim nohaq: qaysi tomondan qarashga bogʻliq” deb yozib qoldirgan.