Bugun va dam olish kunlari Oʻzbekiston hududi boʻyicha haroratning asta-sekin koʻtarilishi davom etadi.

Ertaga respublika boʻyicha havo harorati 36-41° atrofida, janubda va choʻl hududlarda 42-43° gacha boʻladi.

Yakshanba kuni issiqning oshib borishi davom etadi, shu kuni termometr ustuni baʼzi joylarda 40-43° gacha, janubda va choʻl hududlarda baʼzi joylarda 45° issiqgacha koʻtariladi.

Issiq havo kirib kelishi shamolning kuchayishi bilan qayd etiladi.

Ertaga respublikaning shimoliy hududlarida, shuningdek Buxoro va Navoiy viloyatlarining choʻl hududlarida, yakshanba kuni esa respublika boʻyicha baʼzi joylarda shamol chang-toʻzonlar bilan 15-20 m/s gacha kuchayishi kuzatiladi.

17-iyulda ayrim joylarda shamol 22-25 m/s gacha kuchayishi mumkin.