Toshkent shahrida 30 ta avtomatlashtirilgan yoʻl boʻyi pullik toʻxtab turish joylari tashkil etiladi. Bu haqida “Huquqiy axborot” Telegram kanalida xabar berildi.

Maʼlum qilinishicha, Prezident qarori bilan 2022–2026-yillar davomida respublika hududida amalga oshirilishi moʻljallangan “Xavfsiz va ravon yoʻl” umummilliy dasturi tasdiqlangan.

Qayd etilishicha, dastur doirasida avtomobil yoʻllari infratuzilmasi kompleks takomillashtiriladi,
avtomobil yoʻllarida harakatni boshqarish tizimi raqamlashtiriladi, jamoat transporti rivojlantiriladi va raqamlashtiriladi.

Xususan, Qoraqalpogʻistondagi shahar yoʻlovchi transportining 70 ta bekatlarida yoʻlovchilarga zarur boʻlgan barcha maʼlumotlarni real vaqt rejimida elektron taqdim etuvchi monitorlar joylashtiriladi.