Vazirlar Mahkamasining tegishli qaroriga muvofiq, “Sugʻurta faoliyati klassifikatori”ga qoʻshimcha sugʻurta klasslari qoʻshildi. Bu haqida Sugʻurta bozorini rivojlantirish agentligi direktori oʻrinbosari Botir Usmonaliyev maʼlum qildi.

Qayd etilishicha, bunda hayotni sugʻurta qilish sohasidagi mavjud 4 ta klassga yana 3 ta klass qoʻshildi. Bular:

- Tartib raqami boʻyicha V-klass — “Majburiyatlarni taʼminlash uchun hayotni sugʻurtalash”;

- Tartib raqami boʻyicha VI-klass — “Uzoq muddatli ixtiyoriy pensiya sugʻurtasi”;

- Tartib raqami boʻyicha VII-klass — “Kapitalni qaytarish bilan hayotni sugʻurtalash”.