Qurbon hayiti bayrami munosabati bilan poytaxtda 9-iyul kuni soat 00:00 dan soat 07:00 ga qadar ayrim koʻchalarda transport vositalari harakati toʻxtatiladi. Bu haqda Toshkent shahri hokimligi axborot xizmati xabar qildi.

Jumladan,

Olmazor tumani:

Hazrati imom masjidi oldidagi Qorasaroy koʻchasining Abdulla Qodiriy koʻchasidan Nurafshon koʻchasigacha boʻlgan qismi.

Chilonzor tumani:

• “Novza” masjidi oldidagi Bunyodkor 2-darajali yoʻlining Muqimiy koʻchasidan Baynalmilal koʻchasigacha boʻlgan qismi;
• Shayx Muhammad Sodiq Muhammad Yusuf masjidi odidagi Soʻgalliota koʻchasining Bunyodkor koʻchasidan A.Toʻqay koʻchasigacha boʻlgan qismi.

Shayxontohur tumani:

• Xoʻja Alambardor masjidi oldidagi Kamolon koʻchasining Bunyodkor koʻchasidan Kattabogʻ 6-tor koʻchasigacha boʻlgan qismi;
• Shayx Zayniddin masjidi odidagi Koʻkcha darboza koʻchasining Nurafshon koʻchasidan Beshqayrogʻoch koʻchasigacha boʻlgan qismi.

Yunusobod tumani:

• “Minor” masjidi oldidagi KXAY koʻchasining Sharof Rashidov koʻchasidan Koʻrgazma koʻchasigacha boʻlgan qismi;
• Mirza Yusuf masjidi oldidagi Bogʻishamol koʻchasining Amir Temur shoh koʻchasidan Bodomzor yoʻli koʻchasigacha boʻlgan qismi.
•  

Yakkasaroy tumani:

Usmon bin Mazʼun masjidi oldidagi KXAY koʻchasining Qushbegi koʻchasidan Choʻpon ota koʻchasigacha boʻlgan qismi.

Yashnobod tumani:

Islom ota masjidi oldidagi Fargʻona yoʻli koʻchasining Tolimarjon koʻchasidan Abdurauf Fitrat koʻchasigacha boʻlgan qismi.

“Shu bilan bir qatorda, sharoit taqazo etganda shahrimizdagi boshqa jome masjidlari atrofidagi koʻchalar ham qisman yopilishi mumkinligini maʼlum qilamiz. Noqulayliklar uchun uzr soʻraymiz”, deyiladi xabarda.