Andijonda bir guruh fuqaro zaharlanganligi holati yuzasidan Jinoyat kodeksining 257-1-moddasi (Sanitariyaga oid qonunchilikni yoki epidemiyaga qarshi kurash qoidalarini buzish) bilan jinoyat ishi qoʻzgʻatildi.

Eslatib oʻtamiz, 2022-yil 6-iyul holatiga shifoxonada jami 37 nafar bemor murojaat qilib, ularning 17 nafari davolanayotgani, qolgan 20 nafari umumiy holatiga koʻra tibbiy kuzatuvga olingani xabar qilingandi. Bemorlarga “oʻtkir gastroenterit” tashxisi qoʻyilgan.

Kasallikka sabab boʻlgan “FRESH FOOD 2020” oilaviy korxonasiga qarashli 3 ta shoxobcha faoliyati shu kunning oʻzida vaqtinchalik toʻxtatilgan.