Fargʻona davlat universiteti bosh hisobchisi M.E mansab mavqeini suiisteʼmol qilish orqali byudjet mablagʻlarini talon-toroj qilganligi aniqlandi.

U “B.U.F” masʼuliyati cheklangan jamiyatini norasmiy ravishda yuritib, oliy taʼlim muassasasi ehtiyojlari uchun ajratilgan byudjet mablagʻlari hisobidan elektron doʻkon orqali jamiyatdan uskuna va qurilish materiallarini oʻrtacha narxidan 61,1 million soʻmga qimmat sotib olgan. 

Shuningdek, oʻzining “E.A.A” dehqon xoʻjaligidan shaftoli koʻchatlarini qimmat narxda xarid qilib, byudjet mablagʻlarini talon-toroj qilgan.

Mazkur holat yuzasidan Jinoyat Kodeksning 167-moddasi 2-qismi “b,g” bandlari bilan jinoyat ishi qoʻzgʻatilib,  tergov harakatlari oʻtkazilmoqda.