Kamola Sobirova AKT vazirining maslahatchisi lavozimiga tayinlandi

Saqlash
17:07 / 04.07.2022 988 0

AKT vaziriga yoshlar va ayollarni IT sohasiga jalb qilish hamda Oʻzbekistonni Mintaqaviy IT-markaziga aylantirish yuzasidan targʻibot ishlarini amalga oshirish boʻyicha maslahatchi tayinlandi.

 

Kamola Shavkatovna Sobirova Oʻzbekiston Respublikasi axborot texnologiyalari va kommunikatsiyalarini rivojlantirish vazirining maslahatchisi lavozimiga tayinlandi.

 

U AKT vazirligida yoshlar va ayollarni IT sohasiga jalb qilish hamda Oʻzbekistonni Mintaqaviy IT-markaziga aylantirish yuzasidan targʻibot ishlarini amalga oshirish boʻyicha faoliyat olib boradi.

 

Kamola Shavkatovna Sobirova (Rahmonova) 1983-yil 13-iyunda Toshkent shahrida tugʻilgan.

 

Faoliyatini 2001-yili Oʻzbekiston milliy teleradiokompaniyasining “Yoshlar” kanalida tarjimonlikdan boshlab, turli xalqaro va mahalliy tashkilotlarda masʼul vazifalarda davom ettirgan.

 

U rus, ingliz va ispan tillarini biladi. Oilali. 4 nafar farzandi bor.

 

Qayd etilishicha, vazirlikning jamoatchilik va ommaviy axborot vositalari bilan aloqalar boʻlimi boshligʻi Sherzod Ahmatov oʻz lavozimida faoliyatini davom ettiradi.

Izoh yo‘q

Izoh qoldirish