Rossiyada Oʻzbekiston fuqarolarining bolasi 7-qavatdan tushib ketib vafot etgandi. “78.ru”ning xabar berishicha, bolaning onasi mamlakatdan chiqarib yuboriladi.

Maʼlum qilinishicha, bolaning otasi — oʻzbekistonlik 37 yoshli erkak mamlakatdan chiqib ketmaslik sharti bilan qoʻyib yuborilgan. Marhumning onasi esa roʻyxatdan oʻtish muddati tugagani uchun 15 kun ichida Rossiyadan chiqib ketishi kerak.

Ota-onaning soʻzlariga koʻra, fojia yuz bergan kuni ertalab soat sakkizda ular 5 yoshli oʻgʻlini uyda yolgʻiz qoldirib, ishga ketgan. Ular vaqti-vaqti bilan mobil telefon orqali oʻgʻlidan xabar olgan. Kechki soat olti yarimlarda bola deraza tokchasiga chiqqan va 7-qavatdagi ochiq derazadan tushib ketgan.