Oʻzbekistonda aholi yana tibbiy niqob taqishga majbur boʻladimi? Savolga Epidemiologiya va yuqumli kasalliklar profilaktikasi boshqarmasi boshligʻi Rustam Ikromov javob berdi.

«Hozircha jamoat joylarida tibbiy niqob taqib yurish boʻyicha Respublika maxsus komissiyaning qarori kelmadi, biroq sogʻliqni saqlash va ehtiyotkorlik yuzasidan tibbiy niqoblarni taqib yurishni maslahat beramiz. 

 

Ayni damda koronavirusning omikron shtammi koʻproq uchramoqda. Kasallikka chalinayotganlar orasida 90% - emlanmagan fuqarolar. Qolgani 10% - esa vaksina olganiga 1 yildan koʻp boʻlgan, immuniteti past fuqarolar yoki homilador ayollar va bolalardir. Hozirga qadar roʻyxatga olingan barcha vaksinalar oʻz samarasini koʻrsatmoqda va shu munosabat bilan mamlakatimizda aynan shu vaksinalardan foydalanish davom ettiriladi», deydi Rustam Ikromov.