Havo haroratining keskin isishi sababli poyezdlar harakati xavfsizligini taʼminlash maqsadida Toshkent metropolitenining barcha yerusti bekatlarida harakatlanayotgan poyezdlar tezligi kamaytiriladi. Bu haqda “Toshkent metropoliteni” xabar qildi.

Qayd etilishicha, bu oʻzgarish soat 12:00 dan 18:00 ga qadar amal qiladi. Bu orada elektropoyezdlar qatnovidagi oraliq intervallar ham ortadi.

Qayd etilishicha, bunday issiq havo paytida poʻlat izlardagi harorat yanada yuqori boʻladi. Shu sabab  “Oʻztemir yoʻlyoʻlovchi” rahbariyati poyezdlar tezligiga cheklov kiritdi. Bu orqali poyezdlar belgilangan manzillarga kechikib borish holatlari kuzatiladi. Bundan tashqari, havo haroratining keskin koʻtarilishi poyezdlar harakat jadvaliga ham taʼsir oʻtkazdi.