Oʻzbekiston milliy teleradiokompaniyasi raisining birinchi oʻrinbosari Farhod Mahmudov olamdan oʻtgani xabar berildi.

Maʼlumot uchun: Farhod Mahmudov 1995-yildan buyon Oʻzbekiston Milliy teleradiokompaniyasi tizimida turli lavozimlarda, jumladan, “Oʻzbekiston 24” telekanali bosh direktori sifatida faoliyat koʻrsatgan. 2018−2019-yillarda OAV, maʼnaviyat va maʼrifat, madaniyat, sanʼat va ijodiy tashkilotlarni rivojlantirish masalalari xizmati boʻyicha prezident maslahatchisi oʻrinbosari lavozimida ham ishlagan.

Shuningdek, 2020-yildan bugunga qadar Oʻzbekiston milliy teleradiokompaniyasi raisining birinchi oʻrinbosari lavozimida faoliyat yuritib kelayotgan edi.

Farhod Mahmudov 2008-yil “Mehnat shuhrati” ordeni, 2018-yilda “Oʻzbekistonda xizmat koʻrsatgan jurnalist” faxriy unvoni bilan taqdirlangan.

"Oyina.uz" tahririyati marhumning oila aʼzolari va yaqinlariga hamdardlik bildiradi.