Prezident taʼlim muassasalari agentligi tizimidagi “Yangi Oʻzbekiston” universitetida oʻqish istagini bildirgan abituriyentlarning talab va istaklarini inobatga olgan holda qabul jarayonlari muddati uzaytirildi.

Unga koʻra, hujjatlar qabuli shu yilning 30-iyun kuniga qadar davom etadi.

Abituriyentlardan quyidagi hujjatlar talab qilinadi:

Pasport yoki ID karta elektron nusxasi;

Umumiy oʻrta taʼlimni bitirganligi toʻgʻrisidagi shahodatnoma yoki kollej / litsey diplomi (agar abituriyent hali ushbu hujjatni olmagan boʻlsa, oʻrta taʼlim muassasasini bitiruvchisi ekanligi haqida maʼlumotnoma);

IELTS 5.5 (Sanoat boshqaruvi yoʻnalishi uchun 6.0) yoki TOEFL iBT 46 (Sanoat boshqaruvi yoʻnalishi uchun 60) va undan yuqori ballni koʻrsatuvchi original sertifikatining elektron nusxasi (ushbu sertifikat haqiqiy ekanligi tekshiriladi);

Oxirgi 3 oy ichida olingan 3*4 rasm.

Arizalar joriy yilning 30-iyunga qadar https://admissions.newuu.uz/ sayti orqali qabul qilinadi.