“Laskoviy may” guruhi solisti Yuriy Shatunov vafot etgani haqida xabar berilgandi. Qoʻshiqchining oʻlimidan oldingi soʻnggi holati tasvirlangan video ijtimoiy tarmoqlarda tarqaldi.

Videoda qoʻshiqchining doʻstlari uni yaqin oradagi kasalxonaga olib kelishgani aks etgan. U yerdan Shatunov tez yordam mashinasida Domodedovo kasalxonasiga olib ketilayotganda vafot etgan.

Kecha ommaviy axborot vositalarida Yuriy Shatunovning prodyuseri Andrey Razinga qarshi sudda gʻalaba qozongani haqida xabarlar paydo boʻlgandi. Shatunov qoʻshiqlarga boʻlgan huquqlar boʻyicha prodyuserini sudga bergandi. Sud bu daʼvo boʻyicha Yuriy Shatunov haq ekani boʻyicha hukm chiqargan.

Qoʻshiqchining oʻzi suddagi gʻalabada keyingi vaziyatga shunday izoh bergandi: “Menda mualliflik huquqi boʻyicha hujjatlarning toʻliq roʻyxati bor. Andrey Razinning menga qarshi qilmoqchi boʻlgan harakatlarini men ʻoʻlim oldidan talvasaʻ deb atayman”.

Maʼlumot oʻrnida: Yuriy Shatunov 6-sentyabr kuni 49 yoshga toʻlgan boʻlardi.