Toshkentning Mirobod tumanida koʻkarib turgan daraxtlarni sunʼiy ravishda quritishga urinish holati aniqlandi. Ijtimoiy tarmoqlarda shu haqda xabarlar tarqalishi ortidan Ekologiya va atrof-muhitni muhofaza qilish davlat qoʻmitasi rasmiy munosabat bildirdi.

Maʼlum qilinishicha, Toshkent shahri Mirobod tumani Katta Mirobod mahallasi hududidagi holat yuzasidan tezkorlik bilan ishchi guruhi tuzilib qayd etilgan manzilda atroflicha oʻrganish ishlari olib borilgan.

Olib borilgan oʻrganish ishlari natijasiga koʻra, mavjud daraxtlarni sunʼiy ravishda quritishga urinish oʻz tasdigʻini topib, dastlabki surishtiruv ishlari boshlangan.