Oʻzbekistonning ayrim hududlarida galo hodisalari kuzatilmoqda. “Oʻzgidromet” mutaxassisi osmonda yuz berayotgan ushbu hodisa yuzasidan tushuntirish berdi.

Maʼlum qilinishicha, bu optik, umuman xavfsiz tabiat hodisasi hisoblanadi. Bunda quyosh va oy atrofida, baʼzan esa koʻcha chiroqlari kabi boshqa kuchli yorugʻlik manbalari atrofida koʻrinadi. Galo hodisasi yuqori troposferada 5–10 kilometr balandlikda asosan, patsimon bulutlardagi muz kristall zarralari bilan bogʻliq boʻladi.

Galo turlari patsimon bulutlari kristallarining shakli va joylashganiga bogʻliq. Kristal muz zarrachalar kuchli yorugʻlik taʼsirida yorqin yoy shaklidagi kamalakrang hodisani vujudga keltiradi.