Prezident Shavkat Mirziyoyev Konstitutsiyada oila institutining konstitutsiyaviy asoslarini rivojlantirish maqsadida, “oila ayol va erkakning ixtiyoriy roziligi va teng huquqliligi asosida shakllanishi”, jamiyatning tabiiy va tayanch boʻgʻini, jamiyat va davlatning alohida himoyasida ekanini mustahkamlab qoʻyishni taklif etdi.

“Biz oilani oʻz qadriyatlarimiz asosida himoya qilamiz. Bizga hech kim chetdan turib aql oʻrgata olmaydi. Oʻzbekiston — mustaqil davlat! Bizning oila boʻyicha oʻz anʼanaviy qadriyatlarimiz bor. Hech kim bizni oila masalasi boʻyicha «oʻqituvchi-oʻquvchi” boʻlib oʻqita olmaydi», — dedi Shavkat Mirziyoyev.

Prezident davlat oilaning toʻlaqonli rivojlanishi uchun zarur ijtimoiy va iqtisodiy sharoitlarni yaratishi, koʻp bolali oilalarga qonunga muvofiq imtiyoz va ijtimoiy kafolatlar yaratib berishi lozimligini taʼkidlab oʻtdi.