Toshkentda yerusti metrosining Sergeli yoʻnalishida harakatlanayotgan poyezd vagonida qisqa tutashuv boʻlib, toʻxtab qolgani aks etgan video ijtimoiy tarmoqlarda tarqalgandi. Toshkent metropoliteni holat yuzasidan rasmiy maʼlumot berdi.

Qayd etilishicha, 16-iyun kuni soat 20:05 lar atrofida “Yerusti halqa yoʻli” yoʻnalishining 6- va 7-bekatlari oraligʻida joylashgan yoʻl chetidagi toʻsin tunukasining bir qismi atrofdagi kuchli shamol sababli oʻz oʻrnidan koʻchishi natijasida harakatlanib kelayotgan harakat tarkibining tok qabul qilish moslamasiga teggan. Natijada qisqa tutashuv sodir boʻlgan.

Aniqlanishicha,  mashinist harakat tarkibini toʻxtatib, harakatlanishga xavf soladigan holatlar yoʻqligini tekshirib,  oʻz oʻnalishida harakatni davom ettirgan. 

Shundan soʻng mashinist harakat tarkibini toʻxtatib, harakatlanishga xavf soladigan holatlar yoʻqligini tekshirib, oʻz harakatini davom ettirgan.