“Oʻzgidromet” xabariga koʻra, faqat Toshkent viloyati, Fargʻona vodiysi viloyatlari, shuningdek respublikaning togʻoldi va togʻli hududlarida baʼzi joylarda qisqa muddatli yomgʻir yogʻishi, momaqaldiroq boʻlishi mumkin. 

Maʼlum qilinishicha, ayrim joylarda doʻl yogʻishi mumkin. Respublika boʻyicha baʼzi joylarda shamol 18-23 m/s gacha kuchayishi kutilmoqda.

Ushbu kunlarda harorat foni oʻrtacha koʻp yillik qiymatlardan yuqori boʻladi va 34-39 daraja issiqni tashkil etadi, bugun janubda va choʻl hududlarda baʼzi joylarda 40-42 daraja issiqqacha boʻladi.