2022-yilning yanvar-may oylarida Oʻzbekistonga xorijiy davlatlardan qiymati 320,5 mln. AQSH dollariga teng boʻlgan 13,6 mingta yengil avtomobil import qilingan. Bu haqida Davlat statistika qoʻmitasi maʼlum qildi.

Yengil avtomobillar importi oʻtgan yilning mos davri bilan solishtirilganda 5,9 mingtaga yoki qariyb 2 baravarga oshgan.

Joriy yilning besh oyida Oʻzbekistonga 22 ta xorijiy davlatdan yengil avtomobillar import qilingan.

Oʻzbekiston yengil avtomobillarni eng koʻp import qilgan davlatlar:

• Xitoy – 6426 ta;

• Koreya – 3491 ta;

• Qozogʻiston – 2368 ta;

• Rossiya – 927 ta;

• AQSH – 122 ta;

• BAA – 71 ta;

• Yaponiya – 50 ta;

• Germaniya – 37 ta.