Respublikamiz bo‘ylab viloyatlarning turli tumanlarida prezidentimiz qaroriga ko‘ra, ma’naviyat va ma’rifat maskanlari foydalanishga topshirilmoqda. Kecha, 14-iyun kuni Navoiy viloyati Karmana tumanida ham ana shunday maskanning tantanali ochilishiga bag‘ishlangan tadbir bo‘lib o‘tdi.

Unda viloyat hokimligi kotibiyat mudiri A.Yorqulov, tuman hokimi o‘rinbosari E.Kenjayev, 2-sektor rahbari, tuman prokurori X.Erkinov, viloyat Ma’naviyat va ma’rifat bo‘limi rahbari A.Muqimov, tumandagi umumta’lim maktablarining ma’naviy-ma’rifiy ishlar bo‘yicha direktor o‘rinbosarlari, maktab ijodiy-madaniy masalalar bo‘yicha targ‘ibotchilari va o‘quvchi yoshlar ishtirok etdi.

Tadbir davomida yozuvchi-shoirlar ishtirokida ijodiy uchrashuv va she’riy mushoira tashkil etildi. Shuningdek, viloyat Ma’naviyat va ma’rifat bo‘limi rahbari tomonidan hamkor tashkilotlarga hamda o‘quvchi yoshlarga kitoblar taqdim etildi.