Oʻzbekistonda 1-iyun holatiga koʻra 20 mingdan ortiq ajrashish qayd etildi. Bu boʻyicha Adliya vazirligi infografikasi eʼlon qilindi.

Qayd etilishicha, FHDYO organlari tomonidan respublika boʻyicha 20 798 ta ajrim qayd etilgan. Bu koʻrsatkich 2021-yilning mos davri bilan solishtirilganda 4700 taga koʻpaygan.

Jumladan:

• Sudlarning tegishli qarorlariga asosan — 14 986 ta;
• Oʻzaro rozilik asosida — 5812 ta.

Hududlar kesimida ajrimlar boʻyicha Toshkent shahri, Samarqand viloyati va Toshkent viloyatlarida eng yuqori koʻrsatkichlar qayd etilgan.

• Toshkent shahri — 2537 ta;
• Samarqand viloyati — 2190 ta;
• Toshkent viloyati — 2167 ta;
• Fargʻona viloyati — 2109 ta;
• Surxondaryo viloyati — 2079 ta;
• Namangan viloyati — 1836 ta;
• Qashqadaryo viloyati — 1720 ta;
• Buxoro viloyati — 1184 ta;
• Qoraqalpogʻiston — 906 ta;
• Xorazm viloyati — 860 ta;
• Andijon viloyati — 800 ta;
• Sirdaryo viloyati — 778 ta;
• Jizzax viloyati — 699 ta;
• Navoiy viloyati — 582 ta.