Qashqadaryo viloyatining Chiroqchi tumanida artizan qudugʻiga tushib ketgan bola qutqarildi, deb xabar beradi FVV matbuot xizmati.

Maʼlum qilinishicha, 12-iyun kuni soat 14:01 larda tumanning Langar qishlogʻida yashovchi fuqaro viloyat FVBga murojat qilib, soat 13:30 larda oʻzlariga tegishli boʻlgan dala maydonida qazilgan, 200 diametrli suvsiz artizan quduqqa 6 yoshli oʻgʻli tushib ketganini bildirib, yordam soʻragan.

Voqea joyiga zudlik bilan viloyat FVB qutqaruvchilari va tegishli xizmatlar kuch-vositalari yetib borgan. Qutqarish ishlariga FVB maxsus texnikalari, yaʼni ekskavator va greyder jalb etilgan.

Olib borilgan maxsus qutqarish operatsiyasi natijasida bola 13-iyun kuni soat 10:25 da qutqarib olingan. Ayni vaqtda bolaning ahvoli yaxshi. Malakali tibbiy xizmat koʻrsatish uchun tez tibbiy yordan xodimlariga topshirilgan.