O‘zbekiston Respublikasi Prezidentining 2021-yil 26-martdagi “Ma’naviy-ma’rifiy ishlar tizimini tubdan takomillashtirish chora-tadbirlari to‘g‘risida”gi PQ-5040-sonli qarori 7-ilovasida barcha tuman va shaharlarda ma’naviyat va ma’rifat maskanlarini barpo etish manzilli ro‘yxati tasdiqlangan edi. 

Shu munosabat bilan joriy yilning 10-iyun kuni Sirdaryo tumanida ma’naviyat va ma’rifat maskanining ochilish marosimi o‘tkazildi. Unda tuman hokimining o‘rinbosarlari, tashkilot va korxonalar rahbarlari, ma’naviyat va ma’rifat ishlari bo‘yicha direktor o‘rinbosarlari, ijodiy-madaniy masalalar bo‘yicha targ‘ibotchilar va jamoatchilik vakillari ishtirok etdi. Bino zamonaviy jihozlangan bo‘lib, kutubxona va to‘garak xonalari mavjud. 

Joriy yilda viloyat bo‘ylab reja asosida Guliston va Shirin shaharlari, Mirzaobod hamda Xovos tumanlarida ham ma’naviyat va ma’rifat maskani barpo etilib, foydalanishga topshiriladi.