O‘tkir Hoshimovning “Dunyoning ishlari” qissasida mehri daryo o‘zbek onasi timsoli gavdalantirilgan  va aynan shu jihat asarni haligacha qayta-qayta mutolaa qilinishiga sabab bo‘lmoqda. O‘zbek zamonaviy nasrida yana bir shunday ta’sirchan asar yaratildi. Faqat unda ona emas, haqiqiy o‘zbek otasi siymosiga duch kelasiz. 

Yozuvchi Ulug‘bek Hamdam qalamiga mansub “Ota” romani kitobxonlar tomonidan iliq qarshi olindi. Bugun uning yoniga yana bir roman-esse qo‘shildi – “Bizdan rozi bo‘ling, ota”.

Mazkur ikki asardan tarkib topgan yangi kitobning taqdimoti joriy yilning 14-iyun kuni soat 14:00 da Book.uz  kitob do‘konida bo‘lib o‘tadi. Asar “Yangi asr avlodi” nashriyotida chop etilgan. Taqdimotda professorlar Hamidulla Boltaboyev va Nasimxon Rahmonov so‘zga chiqishi kutilmoqda.