Odam savdosi va noqonuniy migratsiyaga qarshi kurashish boʻlimi va Iqtisodiy jinoyatlarga qarshi kurashish Departamentining Sirdaryo viloyati boshqarmasi hamda DXX xodimlari hamkorligida Guliston shahri hududida tezkor tadbir oʻtkazildi.

Unda 1996-yilda tugʻilgan, Guliston shahrida yashab kelayotgan fuqaro O.U oʻzining 2021-yil 3-iyun kuni tugʻilgan farzandi O.Shni oʻn sakkiz yoshga toʻlmaganligini va ojiz axvoldaligini bila turib, “xaridor” fuqaro M.G ga 15.000 (oʻn besh ming) AQSH dollari evaziga sotgan vaqtda ushlangan va undan kimyoviy ishlov berilgan pullar daliliy ashyo sifatida olingan.

Mazkur holat yuzasidan O.Uga nisbatan JKning 135-moddasi, 3-qismi “a” bandi bilan jinoyat ishi qoʻzgʻatilib, “qamoq” ehtiyot chorasi qoʻllanilgan.