O‘zbekiston davlat statistika qo‘mitasi yanvardan aprelgacha bo‘lgan davrda respublika eksportida yuqori ulushga ega bo‘lgan top 10 ta hamkor davlatlar nomini e’lon qildi.

Agentlik ma’lumotlariga ko‘ra, birinchi o‘rinni 826 million dollar bilan Xitoy egallagan. Rossiya 700 million dollar bilan 2-o‘rin, Turkiya 577  million dollar bilan 3-o‘rinda turibdi.

Ro‘yxatdan Qozog‘iston, Qirg‘iziston, Afg‘oniston,  Tojikiston, Turkmaniston, Eron, Kanada ham o‘rin olgan.

O‘zbekiston eksport qiladigan mahsulotlarga sanoat va oziq-ovqat, hayvonlar va kimyo mahsulotlari, mineral yoqilg‘i, moylash materiallari, mashina va boshqalar kiradi.