Farg‘ona aeroportidagi noqulay ob-havo (kuchli shamol) sabab Istanbul–Farg‘ona yo‘nalishida harakatlangan HY-278 aviaqatnovi Namangan aeroportiga kelib qo‘ngan. Bu haqda Uzbekistan Airways axborot xizmati ma’lum qildi.

Ob-havo sharoiti yaxshilanganidan so‘ng ushbu reys Farg‘ona aeroportiga taxminan 23:00 da parvozni amalga oshirdi.

Shuningdek, Farg‘ona–Toshkent yo‘nalishidagi HY-82 aviaqatnovi vaqti ham o‘zgargan va u taxminan 00:30 ga ko‘chirilgan.

Keltirilgan noqulayliklar uchun aviakompaniya yo‘lovchilar va ularni kutib oluvchilardan uzr so‘ragan.