“Uzbekistan Airways” AJ axborot xizmati 2022-yil 7-iyun kuni rejalashtirilgan Istanbul–Toshkent yoʻnalishi boʻyicha aviaqatnov texnik sabablarga koʻra 7 soatga kechikayotganini maʼlum qildi. 

Ushbu qatnov bajarilish vaqti Toshkent vaqti bilan bugun soat 21:30 da rejalashtirilgan.

Shuningdek, amalga oshirilishi rejalashtirilgan Toshkent–Seul yoʻnalishidagi qatnov vaqti 8-iyun soat 04:00 ga koʻchirilgan.

Kompaniya keltirilgan noqulayliklar uchun yoʻlovchilar va ularni kutib oluvchilardan uzr soʻradi.