Oʻzbekiston va Rossiya aviatsiya rahbariyati Moskva-Toshkent yoʻnalishi boʻyicha parvozlar chastotasini haftasiga 25 reysdan 39 tagacha oshirishga kelishib oldi. 

Oʻzbekiston tomonidan parvozlar “Uzbekistan Airways” AJ va “Qanot Sharq” avikompaniyalari, Rossiya tomonidan “Aeroflot», “Sibir” va “Utair” aviakompaniyalari tomonidan amalga oshiriladi.

Rossiyaning Toshkentga parvoz qiladigan aviakompaniyalari roʻyxati yangi reyslar taqsimlanishi ortidan koʻpayishi mumkin.

“Ikki davlat poytaxtlari oʻrtasida muntazam parvozlar sonining koʻpayishi ikki tomonlama hamkorlikni yanada rivojlantirish, Oʻzbekiston va Rossiya oʻrtasida yoʻlovchilar tashishga boʻlgan talabni qondirishga ijobiy taʼsir koʻrsatadi”, deyiladi xabarda.