Ijtimoiy tarmoqlarda ota qizini shapaloq urib oʻldirgangi haqida xabarlar tarqalmoqda. Holatga Bosh prkuratura munosabat bildirdi.


Aniqlanishicha, 2022-yil 4-iyun kuni Uchkoʻprik tumani, Turgʻoq qishlogʻida yashovchi fuqaro Q.Sh. voyaga yetmagan qizi (2006-y.t., maktab oʻquvchisi) tungi vaqtlarda “Spark” avtomashinasida bir yigit bilan yashirin ravishda uchrashuvga chiqqanini bilib qolgan.


Ushbu holatdan gʻazablangan ota qizining bosh qismiga bir necha marotaba urgan.


Olgan tan jarohati taʼsirida qiz hushini yoʻqotgan.


Ota qizining yuziga suv sepib, hushiga keltirgan va boshqa oʻsha yigit bilan boshqa gaplashmaslikni tayinlagan.


Shundan soʻng qiz yotoqxonasiga kirib ketgan va olingan tan jarohatlari oqibatida vafot etgan.


Mazkur holat yuzasidan Jinoyat kodeksining 104-moddasi (Jabrlanuvchining oʻlishiga sabab boʻlgan qasddan badanga ogʻir shikast yetkazish) 3-qismi “d” bandi bilan jinoyat ishi qoʻzgʻatilgan.

Gumonlanuvchi protsessual tartibda ushlangan.


Uchkoʻprik tumani IIB TB tomonidan tergov harakatlari olib borilmoqda.