Maʼlumki, har yili 27-iyun — Matbuot va ommaviy axborot vositalari xodimlari kuni munosabati bilan Prezidentimiz soha vakillariga bayram tabrigi yoʻllaydi. Shuningdek, Prezidentimiz Farmoni bilan bir guruh soha vakillari davlat mukofotlari bilan ham taqdirlanmoqda.

Jurnalistlar ijodiy uyushmasi raisi Olimjon Oʻsarovning maʼlum qilishicha, endilikda “Yilning eng faol jurnalisti” tanlovi bundan buyon har yili dekabr oyida oʻtkazilishi belgilangan.

Boshqa sohalarda (sanʼat, sport, kino va h.k.) boʻlgani kabi yil davomida samarali faoliyat yuritgan jurnalistlar ham yil yakunida aniqlanadi, “Yilning eng faol jurnalisti” maqomiga ega boʻlishadi.

Xabarga koʻra, ijodiy ishlar joriy yilning 1-dekabridan 15-dekabriga qadar Oʻzbekiston Jurnalistlari ijodiy uyushmasida qabul qilinadi.