“Haj-2022” mavsumida ishtirok etish yosh chegarasi 65 yoshgacha etib belgilandi. Din ishlari boʻyicha qoʻmita axborot xizmati rahbari Ilhom Maʼrupov bu boradagi maʼlumotlarni eʼlon qildi.
Ushbu yosh chegarasiga 1957-yil 30-iyun kunigacha tugʻilgan insonlar kiradi.

 

Yosh chegarasi bilan bogʻliq mazkur tartib – Oʻzbekiston tomonining emas, balki Saudiya Arabistonining qatʼiy talabi hisoblanadi.

Boʻlajak hojilar Jahon sogʻliqni saqlash tashkiloti tomonidan tasdiqlangan Pfizer/BioNTech, Oxford-AstraZeneca, Moderna yoki Johnson & Johnson vaksinalarining toʻliq dozasini qabul qilgan boʻlishlari shart.

Barcha ziyoratchilar meningitga qarshi 4 valentli vaksinani qabul qilgan boʻlishi zarur.

Saudiya Arabistoniga kirishdan 72 soat oldin koronavirus diagnostikasi haqida salbiy natijali PZR maʼlumotnomani taqdim etishi lozim.