Yoshlar oyligi doirasida Buxoro shahrida Turkiy davlatlar tashkilotining IV Yosh liderlar forumi oʻtkazilmoqda.

Yoshlar agentligi axborot xizmatining maʼlum qilishicha, 3–4-iyun kunlari boʻlib oʻtayotgan forumda Buxoro shahri “Birinchi turkiy dunyo yoshlar tashabbuslari poytaxti” deb eʼlon qilindi.

Forum davomida “Birinchi turkiy dunyo yoshlar tashabbuslari poytaxti” monumenti va “Turkiy dunyo yoshlari bogʻi” ochilish marosimi boʻlib oʻtishi maʼlum qilindi.

Tadbirlar yakunida Turkiy davlatlar tashkilotining Yosh liderlar forumi rezolyutsiyasi imzolanadi.