“Haj-2022” mavsumi uchun 1 nafar ziyoratchiga toʻlov miqdori 62 million 900 ming soʻm etib belgilandi. Bu haqda Din ishlari boʻyicha qoʻmita axborot xizmati rahbari Ilhom Maʼrupov maʼlum qildi.

 Oʻzbekistonliklar uchun 2022-yil Haj mavsumida 10 ming 865 nafar kvota ajratildi. 2019-yilda bu koʻrsatkich 7 200 nafar edi.

Bir kishi uchun Hajga borish narxi 62 mln 900 ming soʻm etib belgilandi.

Din ishlari boʻyicha qoʻmitaning xabar berishicha, Haj amallarini tashkil etuvchi muassasalarning xizmatlariga 2022-yilda yangi majburiy toʻlovlar joriy etilgan. Shu bois dunyo mamlakatlari uchun haj xizmatlari narxi oʻrtacha 40-45 foizga koʻtarilgan.