Prokuratura organlari xodimlari xizmat qurolini va shaxsiy himoya vositalarini qonunchilikda belgilangan tartibda saqlash, olib yurish hamda ulardan foydalanish huquqiga ega boʻlgan.

31-may kuni prezident tomonidan imzolangan qonun bilan “Prokuratura toʻgʻrisida”gi qonunga oʻzgartirishlar kiritilgan. Ilgari faqatgina olib yurish mumkin edi.

Shuningdek, “Qurol toʻgʻrisida”gi qonunga kiritilgan oʻzgartirishlarga koʻra, fuqarolar va maxsus xizmat vazifalariga ega yuridik shaxslarning xodimlari qurolga egalik qilishga qarshi koʻrsatmalar mavjud emasligi yuzasidan davriy tibbiy tekshiruvdan oʻtkaziladi.

Qonun bilan xizmat quroliga hamda fuqaroviy qurolga egalik qilishga monelik qiladigan kasalliklar yoki jismoniy nuqsonlar roʻyxatlari belgilangan.