Samarqand–Toshkent yoʻnalishida harakatlanayotgan “Afrosiyob” yuqori tezlikda harakatlanuvchi yoʻlovchi poyezdi 30-may kuni harakat vaqtida toʻxtab qoldi. Bu haqida “Oʻzbekiston temir yoʻllari” xabar qildi.

Qayd etilishicha, holat shu kuni 17:40 da Jizzax–Zarbdor peregonida yuz bergan. Bunga bort tizimida nosozlik yuzaga kelgani sabab boʻlgan.

Soat 18:30 da kamchiliklar bartaraf etilgach, yoʻlovchi poyezdi oʻz harakatini davom ettirgan.

“Yoʻlovchilardan uzr soʻrab, toʻgʻri tushunishlarini soʻrab qolamiz”, – deyiladi xabarda.