Ijtimoiy tarmoqlarda Namangan viloyati Chortoq tumanidagi Qumrobod mahallasidagi koʻprikni hamda Chust tumani Axcha qishlogʻidagi yoʻlni sel oqizib ketgani tasvirlangan videolar tarqaldi. Viloyat FVB holatga munosabat bildirib, hozirda tabiiy ofat oqibatlarini bartaraf etish boʻyicha ishlar olib borilayotganini maʼlum qildi.

Maʼlum qilinishicha, bir necha kundan buyon ob-havoning keskin oʻzgarishi va aksariyat hududlarda yogʻingarchiliklar kuzatilgani tufayli Namangan viloyatidan oʻtuvchi ayrim hududlardagi soylarga sel kelgan.

Taʼkidlanishicha, selda ushbu joydagi aholi yashash xonadonlari, ekin maydonlariga zarar yetmagan.