Bosh prokuraturada Oʻzbekiston Respublikasi Bosh prokurori Nigʻmatilla Yoʻldoshevning Turkiya Respublikasi Oliy kassatsiyasi bosh prokurori Bekir Shaxin bilan uchrashuvi boʻlib oʻtdi.
 

Uchrashuv davomida Bosh prokuratura va Turkiya Oliy kassatsiya sudi Bosh prokuraturasi oʻrtasida Anglashuv memorandumi imzolandi.

Ushbu hujjat prokuratura organlari faoliyat yoʻnalishlari yuzasidan ilgʻor tajriba almashish orqali ikki tomonlama sheriklikni yangi bosqichga koʻtarishga xizmat qilishi taʼkidlandi.

Uchrashuv yakunida Bekir Shaxin idoralararo hamkorlik aloqalarini rivojlantirishga qoʻshgan hissasi uchun “Oʻzbekiston Respublikasi prokuraturasining faxriy xodimi” koʻkrak nishoni bilan taqdirlandi.

Soʻngra, Turkiya delegatsiyasi aʼzolari uchun Bosh prokuratura muzeyiga ekskursiya tashkil qilindi.