Mamlakatimizda ayni paytda davom etayotgan eng yirik siyosiy jarayon — prezidentlik saylovi jarayonlari tobora qizg'in tus olib bormoqda. Xususan, poytaxtimizda bo'lib o'tgan O‘zbekiston Ekopartiya markaziy kengashining navbatdan tashqari plenumida Prezidentlik saylovida ishtirok etish uchun partiya raisi Narzulla Oblomurodov nomzodi ilgari surildi.

"Adolat" partiyasi markaziy kengashining navbatdan tashqari pleniumida ham O‘zbekiston prezidentligiga bo‘lib o‘tadigan saylovda partiyadan qo‘yilgan nomzod e’lon qilinib, unda Prezidentlik saylovida partiya tomonidan siyosiy kengash raisi Bahrom Abduhalimov nomzod sifatida ko‘rsatildi.