Qozogʻiston Mudofaa vazirligi mamlakatda 9-may kuni harbiy parad oʻtkazilmasligini maʼlum qildi. Bu haqida “Tengrinews” xabar berdi.

Qayd etilishicha, Qozogʻiston hukumati 2020–2021-yillardagi paradni koronavirus bilan bogʻliq vaziyat tufayli bekor qilgan. “2022-yilda Qozogʻiston Qurolli kuchlari tashkil etilganining 30 yilligi va 1941–1945-yillardagi Ulugʻ vatan urushidagi Gʻalaba kuniga bagʻishlangan harbiy parad oʻtkazish rejalashtirilmagan”, deyiladi xabarda. Ushbu qarorga nima sabab boʻlgani maʼlum qilinmagan. Biroq mamlakatda 50 ga yaqin harbiy-vatanparvarlik tadbiri boʻlib oʻtishi aytilgan.