Prezidentning sogʻliqni saqlash sohasi vakillari bilan ochiq muloqoti davom etmoqda.

Uchrashuvda davlat rahbari chekka hududlarda ishlayotgan shifokorlarni yanada qoʻllab-quvvatlash haqida gapirdi.

Qayd etilishicha, 2022-yil 1-maydan boshlab:

olis va chekka hududlarda faoliyat olib borayotgan shifokorlarning oylik ish haqiga 2 million soʻmdan qoʻshimcha ustama toʻlanadi;

ushbu shifokorlarga ipoteka asosida uy-joy sotib olish xarajatining 50 foizgacha qismi mahalliy byudjetlardan qoplab beriladi;

bundan buyon olis va chekka hududda uzluksiz uch yil ishlagan shifokor klinik ordinaturaga imtihonsiz qabul qilinadi.