O‘zbekiston Respublikasida xizmat ko‘rsatgan artist Dono Boboxonova 80 yoshda vafot etdi, deb xabar bermoqda O‘zbekiston davlat drama teatri.

U 1946-yil 20-noyabrda tavallud topgan. Toshkent teatr va rassomlik institutini tamomlab, “Yosh gvardiyachilar” teatrida faoliyatini boshlagan. 1996-yili “O‘zbekiston Respublikasida xizmat ko‘rsatgan artist” faxriy unvoni bilan taqdirlangan edi.

Dono Boboxonova milliy sahna san’ati rivojiga ulkan hissa qo‘shgan hamda betakror obrazlar yaratgan. Shuningdek, ijodi davomida “Tilim qursin”, “Chol va nabira”, “Berlin-Oqqo‘rg‘on” kabi ko‘plab filmlarda mahoratli rol ijro etgan.