Iste’dodli ijodkorlarni qo‘llab-quvvatlash hamda ularga munosib sharoit yaratish maqsadida Kitobxonlik madaniyatini rivojlantirish jamg‘armasi tomonidan tanlov e’lon qilindi. Bu haqda jamg‘arma matbuot xizmati xabar berdi.

Tanlovda shoirlar, yozuvchilar, dramaturglar va ssenaristlar ishtirok etishi mumkin.

Saralangan ishtirokchilarga 1 yilgacha har oy bazaviy hisoblash miqdorining 50 baravarigacha miqdorda moliyaviy rag‘bat ajratiladi.

Arizalar 15-apreldan 15-mayga qadar onlayn tarzda hamda Yoshlar ishlari agentligining hududiy boshqarmalarida qabul qilinadi.

Tanlov nizomi va ariza topshirish tartibi quyidagi havola orqali taqdim etilgan.