Shavkat Mirziyoyev joriy yil 18-mart kuni sogʻliqni saqlash sohasi vakillari bilan ochiq muloqot oʻtkazadi.

Bunday tadbir mamlakatimiz tarixida ilk marotaba oʻtkazilayotgan boʻlib, unda sohani yanada rivojlantirish, tizimli muammolarni bartaraf etish chora-tadbirlari muhokama qilinadi, tibbiyot xodimlarining takliflari eshitiladi.

Ochiq muloqotga tayyorgarlik doirasida tibbiyot xodimlari va aholidan 25 mingdan ortiq murojaat va takliflar kelib tushgan. Ular tahlil qilinib, “Inson qadri uchun” degan ezgu gʻoya asosida yurtimiz sogʻliqni saqlash tizimini yangi bosqichga olib chiqish va xalqimizga tibbiy xizmat koʻrsatish samaradorligi va sifatini oshirishga qaratilgan keng koʻlamli chora-tadbirlar ishlab chiqildi.

Uchrashuvda sohaning barcha boʻgʻinlaridan 10 ming nafardan ziyod xodim ishtirok etishi kutilmoqda.